აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე აფხაზეთის საინფორმაციო-ანალიტიკურ ცენტრს ეწვია და ჟურნალისტებს პროფესიული საქმიანობისთვის მადლობის სიგელები გადასცა.

ვიზიტის ფარგლებში მან სატელევიზიო სტუდიები დაათვალიერა და თანამშრომლებს შეხვდა. შეხვედრაზე ყურადღება გამახვილდა დეზინფორმაციასთან ბრძოლისა და სანდო ინფორმაციის გავრცელების მნიშვნელობაზე.

თავმჯდომარემ აღნიშნა დევნილი მოსახლეობის დროული ინფორმირების აუცილებლობა და ცენტრის გუნდს მხარდაჭერა აღუთქვა.

ვიზიტს ასევე ესწრებოდნენ აფხაზეთის ავტონომიური რესპუბლიკის მთავრობის აპარატის უფროსი გიორგი სუთიძე და სტრატეგიული კომუნიკაციების დეპარტამენტის ხელმძღვანელი ნინო ჩაჩანიძე.