საქართველოს პრემიერ-მინისტრი ირაკლი კობახიძე გაეროსთან აკრედიტებულ სხვადასხვა ქვეყნის მუდმივ წარმომადგენლებს შეხვდა.

შეხვედრაზე ხაზი გაესვა „აფხაზეთიდან, საქართველო და ცხინვალის რეგიონიდან/სამხრეთ ოსეთი, საქართველო იძულებით გადაადგილებულ პირთა და ლტოლვილთა სტატუსის შესახებ“ საქართველოს მიერ ინიცირებული რეზოლუციის მხარდაჭერის მნიშვნელობას.

რეზოლუციას გაერო-ს გენერალური ასამბლეა ყოველწლიურად იღებს.

პრემიერ-მინისტრი გავრცელებულ განცხადებაში აღნიშნავს, რომ შეხვედრაზე ასევე ისაუბრეს ქვეყნის ეკონომიკურ და საინვესტიციო შესაძლებლობებზე.