ქუთაისში, აფხაზეთის №5 საჯარო სკოლის ორგანიზებით, დედაენის დღისადმი მიძღვნილი ლიტერატურულ-კომპოზიციური საღამო – „სიყვარული აგვამაღლებს“ გაიმართა.

ღონისძიების ფარგლებში მოსწავლეებმა აფხაზეთის თემაზე შექმნილი ლექსები და მუსიკალური ნომრები წარმოადგინეს.

ლიტერატურულ საღამოს დაესწრნენ აფხაზეთის ავტონომიური რესპუბლიკის განათლებისა და კულტურის მინისტრი გიორგი ძაძამია და აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია.