თბილისში მდებარე წმინდა მოწამე ვასილისკოს სახელობის ტაძრის წინამძღვარი, მღვდელი გიორგი შენგელაია, ტრადიციულად ულოცავს საზოგადოებას აღდგომის ბრწყინვალე დღესასწაულს.

მისი თქმით, რწმენა და ერთობა არის ის ძალა, რომელიც მომავალში საერთო სიხარულს და დაკარგული სიწმინდეების დაბრუნებას უზრუნველყოფს.

„აუცილებლად კანონზომიერება აღდგება და ჩვენ ყველანი ერთად ვიდღესასწაულებთ ქრისტეს ბრწყინვალე აღდგომას სოხუმის საკათედრო ტაძარში, ბიჭვინთის ტაძარში, ილორში, კამანში და სხვა წმინდა ადგილებზე,“  აღნიშნავს მამა გიორგი შენგელაია.