აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, კახეთის მხარის სახელმწიფო რწმუნებულ პლატონ კალმახელიძესთან ერთად, წინასააღდგომო პერიოდში კახეთის რეგიონში მცხოვრებ აფხაზეთიდან დევნილ მოსახლეობას შეხვდა.

ვიზიტის ფარგლებში, მთავრობის თავმჯდომარე თელავსა და გურჯაანში მდებარე კომპაქტურ ჩასახლებებში იმყოფებოდა, სადაც ადგილზე გაეცნო დევნილთა საჭიროებებს და მათთან შეხვედრები გამართა. შეხვედრისას დევნილ ოჯახებს სადღესასწაულო ნობათები გადაეცათ.

აფხაზეთის ავტონომიური რესპუბლიკის მთავრობის გადაწყვეტილებით, სააღდგომო ნობათები ქვეყნის მასშტაბით გადაეცემა აფხაზეთიდან დევნილ, უკიდურესად შეჭირვებულ ოჯახებს.