სამედიცინო ცენტრ „აფხაზეთი“-ს საბურთალოს ფილიალში აფხაზეთის ჯანდაცვის სამინისტროს ორგანიზებით დევნილი, 18 წლამდე ასაკის პირებისთვის უფასო სამედიცინო კონსულტაციების აქცია გაიმართა.

ინიციატივის ფარგლებში, სხვადასხვა პროფილის წამყვანმა ექიმებმა 50-ზე მეტ ბენეფიციარს გაუწიეს კონსულტაცია და ჯანმრთელობის მდგომარეობის შესაბამისად რეკომენდაციები მისცეს.

კლინიკას ეწვია აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, რომელიც ჯანდაცვისა და სოციალური დაცვის მინისტრთან ერთად პროცესს გაეცნო. ღონისძიების ფარგლებში მოზარდებს სიმბოლური საჩუქრებიც გადაეცათ.