ორგანიზაცია „მშვიდობის ელჩები ქვეყნის მომავლისთვის“ ინიციატივით დოკუმენტური ფილმის „ინგირს მელე“ ( ენგურს გაღმა) პრემიერა გაიმართა.

ფილმი ემოციურ ნარატივს წარმოადგენს და აერთიანებს ადამიანების ისტორიებს, რომლებმაც ომის შედეგად დატოვეს მშობლიური სახლები და თავშესაფარი თბილისში იპოვეს.

ისინი მაყურებელს აფხაზეთთან დაკავშირებულ საკუთარ გამოცდილებას უზიარებენ.

ორგანიზაციის განცხადებით, პროექტის მიზანია, მომავალმა თაობამ უკეთ გაიგოს წარსული და შეინარჩუნოს საერთო ღირებულებები.

ღონისძიების დასასრულს მხარდამჭერები და მონაწილეები საპატიო სიგელებით დაჯილდოვდნენ.