აფხაზეთის ა.რ იუსტიციისა და სამოქალაქო ინტეგრაციის მინისტრმა ალიონა ჩხოტუამ და სოხუმის სახელმწიფო უნივერსიტეტის რექტორმა თეა ჯუღელმა ურთიერთთანამშრომლობის მემორანდუმს მოწერეს ხელი.

თანამშრომლობა სამოქალაქო ინტეგრაციისა და ნდობის აღდგენის მიზნით ერთობლივი საგანმანათლებლო და სამეცნიერო პროექტების განხორციელებას ითვალისწინებს.

მემორანდუმის ფარგლებში მხარეები საჯარო ლექციებს, შეხვედრებს და აფხაზეთიდან დევნილი სტუდენტების ჩართულობით სხვადასხვა თემატურ ღონისძიებას გამართავენ.