აფხაზეთის ა/რ უმაღლესი საბჭოს პრეზიდიუმის სხდომაზე დაჯილდოების ცერემონია გაიმართა.

ღონისძიებაზე უმაღლესი საბჭოს თავმჯდომარემ ჯემალ გამახარიამ აფხაზეთის წინაშე განსაკუთრებული დამსახურებისთვის მეცნიერი და საზოგადო მოღვაწე ნაპოლეონ ქარქაშაძე უმაღლესი საბჭოს საპატიო სიგელითა და მედლით დააჯილდოვა.

ჯემალ გამახარიამ მეცნიერის ღვაწლზე ისაუბრა და მადლობა გადაუხადა ნაპოლეონ ქარქაშაძეს მრავალწლიანი და ნაყოფიერი საქმიანობისთვის. მან ასევე გაიხსენა ის პერიოდი, როდესაც მისი რექტორობის დროს თავად მუშაობდა საქართველოს სუბტროპიკული მეურნეობის ინსტიტუტში.

აფხაზეთის უმაღლესი საბჭოს ჯილდო ჯემალ გამახარიამ ნაპოლეონ ქარქაშაძის ქალიშვილს, ქეთევან ქარქაშაძეს გადასცა.