აფხაზეთის ა/რ მთავრობისა და აფხაზეთის საინფორმაციო-ანალიტიკური ცენტრის ორგანიზებით გაიმართა შეხვედრა "სოროპტიმისტ ინტერნაციონალის კლუბ ბათუმის" წარმომადგენლებთან, რომლებიც წლებია წარმატებით ახორციელებენ პროექტს "ქართულ-აფხაზური საგა".

შეხვედრაზე ყურადღება გამახვილდა ქართველებსა და აფხაზებს შორის ნდობის აღდგენის პროცესში სახალხო დიპლომატიის როლსა და მნიშვნელობაზე. ხაზი გაესვა სამშვიდობო ინიციატივებში ახალგაზრდების ჩართულობის აუცილებლობას.