აფხაზეთის ა/რ იძულებით გადაადგილებულ პირთა მინისტრმა სამინისტროს მიერ 2025 წელს გაწეული საქმიანობის ანგარიში წარადგინა.

დავით ფაცაციამ ყურადღება გაამახვილა უწყების მიერ დევნილთა მხარდასაჭერად განხორციელებულ პროექტებზე, ასევე სამინისტროს მიღწევებსა და გამოწვევებზე ისაუბრა.

მოხსენების შემდეგ, ღონისძიებაზე მისასალმებელი სიტყვით აფხაზეთის ა/რ მთავრობის თავმჯდომარე გიორგი ჯინჭარაძე წარდგა, რომელმაც ანგარიში დადებითად შეაფასა.

ღონისძიების ფარგლებში, აქტიური თანამშრომლობისა და დევნილთა მხარდაჭერაში შეტანილი განსაკუთრებული წვლილისთვის, დევნილთა განსახლების ადგილებში შექმნილი ბინათმესაკუთრეთა ამხანაგობების წარმომადგენლები დაჯილდოვდნენ.