აფხაზეთის ავტონომიური რესპუბლიკის იუსტიციისა და სამოქალაქო ინტეგრაციის მინისტრმა ალიონა ჩხოტუამ სამინისტროს 2025 წლის საქმიანობის ანგარიში წარადგინა.

მინისტრმა ანგარიშში იმ ძირითად საქმიანობებზე ისაუბრა, რომელიც სამინისტრომ მიმდინარე წელს განახორციელა. ასევე სამომავლოდ, სამოქალაქო ინტეგრაციისა და სამშვიდობო პოლიტიკის მიმართულებით მთავრობის პრიორიტეტულ გეგმებზე გაამახვილა ყურადღება.

განსაკუთრებული აქცენტი გაკეთდა ახალგაზრდული პოლიტიკის გაძლიერებაზე და აღნიშნულ პროცესებში ახალგაზრდების აქტიური ჩართულობის მნიშვნელობაზე. დაანონსდა სამინისტროს ფარგლებში ახალგაზრდული მრჩეველთა საბჭოს შექმნა.

ღონისძიებას აფხაზეთის ა/რ მთავრობის თავმჯდომარე ესწრებოდა. გიორგი ჯინჭარაძემ სამინისტროს მიერ წარმოდგენილი ანგარიში დადებითად შეაფასა და შერიგების პროცესში ახალგაზრდების ჩართულობის გაძლიერებაზე ისაუბრა.

ღონისძიების ფარგლებში, ასევე, აფხაზეთის ავტონომიური რესპუბლიკის მთავრობის ერთიანი ელექტრონული პორტალის პრეზენტაცია გაიმართა.