„მე აფხაზეთისთვის“ მონაწილეთა 2025 წლის დაჯილდოება გაიმართა.

აფხაზეთის ა/რ მთავრობის თავმჯდომარის გიორგი ჯინჭარაძის გადაწყვეტილებით, ღონისძიების მთავარი ჯილდო სრულიად საქართველოს კათოლიკოს-პატრიარქს, უწმინდესი და უნეტარესს ილია მეორეს გადაეცა.

„დღევანდელი ღონისძიება, სხვა წლებისგან განსხვავებით იმით გამოირჩევა, რომ ჩვენ ამ ჯილდოს პირველ რიგში გადავცემთ უწმინდესსა და უნეტარესს ჩვენს პატრიარქს ილია II-ს და მე მაქვს იმის პატივი, რომ პირადად მას გადავცე აღნიშნული ჯილდო შობის დღესასწაულზე. ჩვენ გვჯერა, რომ მისი ლოცვა-კურთხევით აუცილებლად დავბრუნდებით ჩვენ მიწა-წყალზე აფხაზეთში“, - განაცხადა გიორგი ჯინჭარაძემ.

ღონისძების ფარგლებში ასევე სხვადასხვა სფეროში მოღვაწე 12 წარმატებული ადამიანი დაჯილდოვდა, რომლებმაც საკუთარი ნიჭითა და დაუღალავი შრომით აფხაზეთის სახელი არაერთ წარმატებას დაუკავშირეს.

პროექტი „მე აფხაზეთისთვის“ აფხაზეთის კულტურის, სპორტისა და ახალგაზრდობის სააგენტოს ორგანიზებით მეექვსე წელია, იმართება.