აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრმა ბესიკ კუსიდიმ სამინისტროს 2025 წლის საქმიანობის ანგარიში წარადგინა.

მინისტრმა ისაუბრა იმ პროგრამებსა და პროექტებზე, რომელიც აფხაზეთიდან დევნილი და ოკუპირებულ ტერიტორიაზე მცხოვრები მოსახლეობის საჭიროებებიდან გამომდინარე მიმდინარე წელს განხორციელდა. მან ასევე ყურადღება გაამახვილა სამინისტროს 2026 წლის სამოქმედო გეგმებზე და ამოცანებზე.

ღონისძიებაზე საზოგადოებას მისასალმებელი სიტყვით მიმართა აფხაზეთის ა/რ მთავრობის თავმჯდომარე გიორგი ჯინჭარაძემ. თავის გამოსვლაში მან ხაზი გაუსვა სამინისტროს პროგრამული ნაწილის დაფინანსების უპრეცედენტო ზრდასა და საქართველოს მთავრობის ხელშეწყობით ჯანდაცვის მიმართულებით სამომავლოდ დაგეგმილ სიახლეებს.