გიორგი ჯინჭარაძემ საქართველოში ისრაელის სახელმწიფოს საგანგებო და სრულუფლებიან ელჩთან ვალიდ აბუ ჰაიასთან გაცნობითი ხასიათის შეხვედრა გამართა.

აფხაზეთის ა/რ მთავრობის თავმჯდომარემ ისრაელელ დიპლომატს თანამდებობაზე დანიშვნა მიულოცა და საქართველოში წარმატებული საქმიანობა უსურვა.

შეხვედრის ფარგლებში გიორგი ჯინჭარაძემ ელჩს აფხაზეთის ავტონომიური რესპუბლიკის მთავრობის საქმიანობა და ოკუპირებულ ტერიტორიაზე არსებული ვითარება გააცნო.

ხაზი გაესვა მხარეებს შორის სამომავლო თანამშრომლობის შესაძლებლობებს.