"ჩემი ფერები" -ასე ეწოდებოდა აფხაზეთის დამსახურებული მხატვრის ავთანდილ შენგელიას საიუბილეო-პერსონალურ გამოფენას, რომელიც ვალერი არქანიას სახელობის არტ-გალერეაში გაიმართა.

საგამოფენო სივრცეში წარმოდგენილი იყო მხატვრის ფერწერული და გრაფიკული ნამუშევრები, ასევე საქართველოში და საზღვარგარეთ შესრულებული მართლმადიდებლური ტაძრების აღდგენის, რესტავრაციისა და მოხატვის ნიმუშები.

სახვით ხელოვნებაში შეტანილი განსაკუთრებული წვლილისთვის, ხანგრძლივი ნაყოფიერი და პედაგოგიური საქმიანობისთვის, ავთანდილ შენგელია საპატიო სიგელით დაჯილდოვდა.

გამოფენას ესწრებოდნენ აფხაზეთის განათლებისა და კუტურის სამინისტროს წარმომადგენლები, მხატვრის მეგობრები საზოგადოების სხვა წარმომადგენლები.