ოკუპირებულ სოხუმში აცხადებენ, რომ მიუხედავად რუსეთის მიერ დაფინანსების შეჩერებისა, „საჯარო“ მოსამსახურეებს  სექტემბრის ხელფასს გადაუხდიან. ამის შესახებ აფხაზეთის დე ფაქტო რესპუბლიკის ე.წ. ფინანსთა მინისტრმა ვლადიმერ დელბამ ადგილობრივ მედიას განუცხადა.
 ინფორმაციისთვის, 1 სექტემბრიდან კრემლმა ოკუპირებულ სოხუმს დაფინანსება შეუჩერა. ამის შესახებ აფხაზეთის დე ფაქტო რესპუბლიკის ე.წ. საგარეო საქმეთა მინისტრმა სერგეი შამბამ განაცხადა. მიზეზად კი აფხაზეთის ე.წ. მთავრობის მიერ გარკვეული ვალდებულებების შეუსრულებლობა სახელდება.
  ექსპერტ-ანალიტიკოსები აფხაზეთის საინფორმაციო-ანალიტიკურ ცენტრთან საუბარში აღნიშნავენ, რომ თუ არ იქნება ოკუპირებული აფხაზეთის მხრიდან შემხვედრი ნაბიჯები გადაგმული კრემლის პოლიტიკასთან მიმართებაში, მათთვის სიტუაციის ასე გაგრძელება წარმოუდგენელია.

იხილეთ ვრცლად: