რუსთავში 800 დევნილი ოჯახისთვის თანამედროვე საცხოვრებელი კომპლექსის მშენებლობა აქტიურად მიმდინარეობს. ბინების განაწილების მიზნით, დევნილი ოჯახების მონიტორინგი მიმდინარე წლის სექტემბრიდან დაიწყება.

ბინის მიღების მსურველი 7 000-ზე მეტი ოჯახის განაცხადი უკვე შეფასდა, წინასწარი ქულები გამოქვეყნდა, ხოლო დამატებითი დოკუმენტაციის განხილვის შემდეგ ქულების ნაწილი გადაიხედა. 

მონიტორინგს დაექვემდებარებიან:

• ერთოთახიანი ბინებისთვის – 5 და მეტი ქულის მქონე ოჯახები;
• ოროთახიანისთვის – 6 და მეტი ქულის მქონე ოჯახები;
• სამოთახიანისთვის – 7 და მეტი ქულის მქონე ოჯახები;
• ოთხოთახიანისთვის – 1 და მეტი ქულის მქონე ოჯახები.

 მოკვლევის შედეგები განსახილველად დევნილთა საკითხების შემსწავლელ კომისიას გადაეცემა, ხოლო ბინების განაწილება კანონმდებლობის სრული დაცვით განხორციელდება. იმ ოჯახების საკითხი, რომელთა ქულაც ამ ეტაპზე მონიტორინგისთვის საკმარისი არ არის, მომდევნო ეტაპზე განიხილება.

რუსთავში ბინის მიღების მსურველი დევნილი ოჯახებისთვის მინიჭებული ქულები იხილეთ აქ: https://shorturl.at/J4ZDf