აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე გლდანის რაიონში, წყალსადენის ქუჩაზე მდებარე დევნილთა განსახლების ობიექტში მცხოვრებ აფხაზეთიდან იძულებით გადაადგილებულ პირებს შეხვდა.

ვიზიტის ფარგლებში მთავრობის თავმჯდომარე ადგილზე გაეცნო არსებულ ვითარებას, მოისმინა დევნილი მოსახლეობის საჭიროებები და დაათვალიერა განხორციელებული ინფრასტრუქტურული სამუშაოები.

შეხვედრას ასევე ესწრებოდნენ აფხაზეთის ავტონომიური რესპუბლიკის სხვადასხვა უწყებისა და ცენტრალური ხელისუფლების წარმომადგენლები.