აფხაზეთის ავტონომიური რესპუბლიკის იძულებით გადაადგილებულ პირთა სამინისტროს სსიპ აფხაზეთის ავტონომიური რესპუბლიკის მომსახურების სააგენტომ სსიპ ახალგაზრდობის სააგენტოსთან ურთიერთთანამშრომლობის მემორანდუმი გააფორმა.  

მემორანდუმი მხარეებს შორის პარტნიორობის გაღრმავებას ისახავს მიზნად და ერთობლივი ახალგაზრდული ინიციატივებისა და საერთაშორისო აქტივობების მხარდაჭერას ითვალისწინებს.

მნიშვნელოვანია, რომ პირველი ერთობლივი აქტივობის ფარგლებში, ახალგაზრდობის სააგენტო მხარს დაუჭერს აფხაზეთის ავტონომიური რესპუბლიკის მომსახურების სააგენტოს პროექტს - „საერთაშორისო ბანაკი ათენში – 2026“, რომელიც მიმდინარე წლის 28 ივლისიდან 10 აგვისტოს ჩათვლით გაიმართება.