დევნილთა, ეკომიგრანტთა და საარსებო წყაროებით უზრუნველყოფის სააგენტომ რუსთავში მშენებარე საცხოვრებელ კორპუსებში ბინის მიღების მსურველი დევნილი ოჯახებისთვის მინიჭებული წინასწარი ქულები გამოაქვეყნა.

სააგენტომ 7 000-ზე მეტი განაცხადი შეაფასა. გამოქვეყნებული სია დევნილ ოჯახებს შესაძლებლობას აძლევს, საჭიროების შემთხვევაში, დამატებითი დოკუმენტაცია 15 სამუშაო დღის ვადაში წარადგინონ. წარმოდგენილი ინფორმაციის საფუძველზე ქულები გადაიხედება და განახლებული სია გამოქვეყნდება.

ქულები გრძელვადიანი განსახლების კრიტერიუმების მიხედვით განისაზღვრა და ოჯახების საცხოვრებელ და სოციალურ მდგომარეობას ასახავს. კორექტირებული მონაცემების საფუძველზე განხორციელდება ოჯახების შესწავლა, რის შემდეგაც დევნილთა საკითხების შემსწავლელი კომისია შესაბამის გადაწყვეტილებებს მიიღებს.

რუსთავში დევნილი ოჯახებისთვის ოთხი საცხოვრებელი კორპუსი შენდება, სადაც ბინას 800 ოჯახი მიიღებს. საცხოვრებელი ფართები სრულად გარემონტებული და თანამედროვე სტანდარტების შესაბამისი იქნება.

 წინასწარი ქულების სია: https://shorturl.at/7WCoR