ბათუმში საქართველოს ახალგაზრდული ოლიმპიური ფესტივალის გახსნის საზეიმო ცერემონია გაიმართა.

აფხაზეთის ავტონომიური რესპუბლიკის სპორტული ფედერაციების სახელით ფესტივალში სპორტის 10 სახეობაში 63 სპორტსმენი მონაწილეობს, მათ ასპარეზობას კი 14 მწვრთნელი ხელმძღვანელობს.

საქართველოს ეროვნული ოლიმპიური კომიტეტის ინიციატივითა და მთავრობის მხარდაჭერით ორგანიზებული ფესტივალი ქვეყანაში პირველად ტარდება. შეჯიბრებები სპორტის 17 სახეობაში გაიმართება და მასში მონაწილეობას 14-17 წლის ასაკის 1200-მდე სპორტსმენი მიიღებს.