რუსთაველის ეროვნული თეატრის დიდ სცენაზე „აფხაზეთობის კვირეულის“ დასკვნითი გალა-კონცერტი გაიმართა, სადაც ანსამბლმა „აფხაზეთი“ ახალი პროგრამა - „აიმადარა“ წარადგინა. პროგრამა საქართველოს სხვადასხვა კუთხის მუსიკალურ და ქორეოგრაფიულ ტრადიციებს აერთიანებდა და ერთიანობის იდეას უსვამდა ხაზს.

კონცერტის დაწყებამდე დამსწრე საზოგადოებას აფხაზეთის ავტონომიური რესპუბლიკის მთავრობის თავმჯდომარემ გიორგი ჯინჭარაძემ მიმართა. ღონისძიებას ხელისუფლების, დიპლომატიური კორპუსისა და დევნილი საზოგადოების წარმომადგენლები ესწრებოდნენ.